एसएलसी शान्तीपूर्ण सकीयो

यस बर्षको एसएलसी परीक्षा आज बाट सकिएको छ । एसएलसीमा चितवन बाट १३ हजार ९१ जना विद्यार्थीले सहभागीता जनाएका छन् । ती मध्ये ३ जना दृष्टिविहीन , ४ जना कैदी बन्दी र ५ सय १६ जना माओवादीका पुर्व लडाकु रहेका छन् । चितवनमा शान्तिपुर्ण रुपमा एसएलसी परिक्षा सम्पन्न भएको छ । परिक्षामा केही अनुपस्थित भएका छन् भने एक छात्रा निष्कासनमा परेकी छन् । यस्तै , माओवादी लडाकुका तर्फबाट केही नक्कली परिक्षार्थीले परिक्षा दिएको पनि भेटिएको थियो । जिल्लामा ४० वटा परीक्षा केन्द्र निर्धारण गरिएको थियो । शान्तिपुर्ण रुपमा परिक्षा  सम्पन्न गर्न ४ सय सुरक्षाकर्मी खटाईएको थियो । यस्तै , ४० केन्द्राध्यक्ष , ७० सहायक केन्द्राध्यक्ष, ५ सय ६२ निरिक्षक ,र  १ सय ८९ सहायक कर्मचारी खटीएका थिए । यसैबीच , जिल्ला शिक्षा कार्यलय चितवनले एक सुचना जारी गरी विगतमा जस्तै यस पटक पनि जिल्लामा शान्तिपुर्ण रुपमा परिक्षा सम्पन्न गर्न सहयोग गर्ने सबैर्लाई धन्यवाद दिएको छ ।  जिल्ला शिक्षा अधिकारी रमाकान्त शर्माले एसएलसी परिक्षालाई मर्यादीत र व्यवस्थीत बनाउन सहयोग गर्ने सबै कर्मचारी , राजनितिक दल , पेशागत शिक्षक संगठन , विद्यार्थी ,  विद्यालय व्यवस्थापन समिति , शिक्षक अभिभावक संघ , शिक्षाप्रेमी , नागरिक समाज लगायत सबै सरोकारवालाहरुलाई धन्यवाद दिनुभएको छ ।